軟、彈簧、特硬，實際瞓感有咩分別？
軟身（舒適、健康）會貼合身形，肩膊同臀部壓力細啲；連鎖彈簧承托平均、反應直接；特硬波浪棉最挺身，身體唔會陷落去。唔肯定就 WhatsApp 講你嘅睡姿同體重，我哋幫你揀。
厚度應該點揀？
3 至 4 吋屬薄墊，適合放喺現有床褥上，或者床架本身已經有承托；6 至 8 吋屬完整床褥，可以直接放上床架。樓底矮或者想容易收納，通常會揀薄身。
尺寸唔啱可以訂造嗎？
可以。量好床架內籠嘅長同闊（吋），WhatsApp 傳俾我哋，就可以按尺寸報價同安排。
價錢點解顯示「查詢價格」？
同一款床褥有幾個厚度同尺寸，價錢會跟規格變動。我哋唔想用一個「由 $X 起」誤導你，所以統一由專人按你揀嘅尺寸報實價。
送貨要幾耐？會唔會送上樓？
確認尺寸同落單之後，我哋會同你約送貨日期；一般會送貨上樓。偏遠地區、唐樓或者需要吊床，會另外安排，詳情喺 WhatsApp 講清楚。
床褥點清潔同保養？
定期吸塵、保持通風乾爽，用床褥保護套隔開汗水同液體；避免長時間曬太陽或者用水直接沖洗。有問題可以隨時 WhatsApp 問我哋。